Гарнитураны пайдаланып, медбике хирургтардың әрекеттерін бақылап отырды.
Лондондағы Кромвель ауруханасының қызметкерлері жұлынға операция жасау үшін Apple Vision Pro гарнитурасын пайдаланды, деп хабарлайды Business Insider.
Медбикелердің бірі хирургтардың әрекеттерін бақылау және қажетті құралдарды тез арада жеткізу үшін аралас шындық көзілдірігін киген. Маман бұған дейін HoloLens 2 гарнитурасын қолданған.
eXeX стартапы британдық денсаулық сақтау мамандарының жұмысына жаңа технологияларды енгізуде. Оның қызметкерлері хирургиялық операцияларға көмектесетін, пациенттердің деректерін жинайтын және жасанды интеллект арқылы талдайтын қосымша жасап шығарды.
Apple Vision Pro өткен жазда таныстырылып, ақпан айында 3500 долларға сатылымға шықты. Осы аптада компания гарнитураның денсаулық сақтау саласындағы әлеуеті туралы презентация жариялады. Атап айтқанда, ол хирургиялық жоспарлау, пациенттерге күтім жасау және денсаулық сақтау саласындағы мамандарды оқыту үшін виртуалды және аралас шындық қолданбаларын көрсетті.
