Дүйсенбі, 1 тамызда Косово үкіметі мемлекеттік шекарадан өтетін серб азаматтарына қосымша құжаттар бере бастады. Куәліктерді беру туралы шешім сербтердің екі шекара өткеліне апаратын жолдарды жауып тастауға қарсы наразылықтарына жауап ретінде қабылданды.
Таңқаларлық жайт, Косово Сербиядан тәуелсіздігін жариялағаннан кейін 14 жыл өткен соң, солтүстікте шамамен 50 000 серб әлі күнге дейін Сербия билігі берген нөмірлер мен құжаттарды пайдаланады, деп хабарлайды Reuters.
Айта кету керек, үкімет жергілікті сербтерге Косово нөмірлеріне көшуге 60 күн беру және Сербия азаматтарынан, соның ішінде жергілікті құжаттары жоқ Косовода тұратындардан шекарада қосымша құжаттарды талап ету туралы шешімді 1 қыркүйекке дейін кейінге қалдырды. Кейінге қалдыру Сербия мен Косово арасында алдыңғы күні туындаған шиеленіске байланысты жасалды.
Косовоның солтүстігіндегі Брняк және Яриндже шекара өткелдеріне апаратын жолдарды жүк көліктері мен ауыр техника жауып тұрғандықтан, үкімет ең үлкен шекара өткелі Мердареде құжаттар бере бастады.
Косовоның ішкі істер министрі Желал Швечлдің айтуынша, бұл шешім барлық тосқауылдар алынып тасталғанға және адамдар мен тауарлардың еркін қозғалысы қамтамасыз етілгенге дейін орындалады.
