Италияның Монца қаласынан келген медбике коронавирусқа оң нәтиже бергеннен кейін өз-өзіне қол жұмсады, деп хабарлайды Daily Mail.
Отыз төрт жастағы медбике Даниела Треззи жансақтау бөлімінде жұмыс істеді, бірақ коронавирус инфекциясының белгілері пайда болғаннан кейін 10 наурыздан бері карантинде болды. Тест оң нәтиже бергеннен кейін ол өзіне-өзі қол жұмсады. Ол басқаларға жұқтырдым деп қорықты.
Италиялық медбикелердің ұлттық федерациясы оның қайтыс болғанын растап, оқиғаға байланысты алаңдаушылық білдірді. Олар Треззидің вирус жұқтырдым деп қорқып, қатты күйзеліске ұшырағанын атап өтті.
Бұрын Италияның Кремона қаласындағы коронавирус жұқтырған науқастарды емдейтін аурухананың дәрігері түнгі түстер көргенін хабарлаған болатын. Ол ауруханада әлі ешкімнің сауығып кетпегенін айтады, бұл медицина қызметкерлері үшін өте қорқынышты және көңіл-күйді түсіреді.
Соңғы мәліметтер бойынша, әлемде 428 000-нан астам адам коронавирус жұқтырған; 18 900 адам қайтыс болып, 109 100 адам сауығып кеткен. Жаңа коронавирус тудырған COVID-19 пневмониясының өршуі алғаш рет 2019 жылдың қараша айында Қытайдың Ухань қаласында тіркелді.
