Қытай Қорғаныс министрлігі «жаттығулардың қазіргі халықаралық және аймақтық жағдайға қатысы жоқ» екенін атап өтті.
«Восток-2022» әскери жаттығулары Ресейде 30 тамыз бен 5 қыркүйек аралығында өтеді. Оған Қытай, Үндістан, Беларусь, Тәжікстан, Моңғолия, Ресей және басқа да елдер қатысады.
Бұл туралы Қытайдың Қорғаныс министрлігі хабарлады.
«Қытай тарапы қатысушы елдердің қарулы күштерімен прагматикалық және достық ынтымақтастықты тереңдету, қатысушы барлық тараптар арасындағы стратегиялық үйлестіру деңгейін арттыру және әртүрлі қауіпсіздік қатерлеріне қарсы тұру мүмкіндігін арттыру мақсатында осы жаттығуларға қатысу үшін жеке құрамды жіберді», - деді Қытай тарапы.
Қытай Қорғаныс министрлігі «жаттығулардың қазіргі халықаралық және аймақтық жағдайға қатысы жоқ» екенін атап өтті. Ресей Қорғаныс министрлігі жаттығулар Шығыс әскери округіндегі жаттығу полигондарында өтетінін хабарлады.
Бұған дейін Украинаның сыртқы істер министрі Дмитрий Кулеба Қытайдың Украина-Ресей соғысында бейтарап қалатынын мәлімдеген болатын.
