Израиль премьер-министрі Биньямин Нетаньяху үйінде есінен танып қалғаннан кейін ауруханаға жатқызылды, деп хабарлайды The Jerusalem Post.
73 жастағы Нетаньяху тексеруден өту үшін Тель-Хашомердегі Шеба медициналық орталығына жеткізілді. Бұл ақпаратты газетке Премьер-Министр кеңсесі растады.
Нетаньяху сенбі күні түстен кейін ауруханаға жеткізілді. Газеттің Шеба медициналық орталығындағы дереккөздерінің хабарлауынша, премьер-министр Кесариядағы үйінде есінен танып, құлап, басын еденге соғып алған. Сондай-ақ, ол кеудесінің ауырсынуына шағымданған деп хабарланған.
Израиль премьер-министрі Тель-Айв орталығындағы аурухананың жедел жәрдем бөліміне жеткізілді. Нетаньяху медициналық орталыққа келген бойда есін жиған деп хабарланды.
The Jerusalem Post басылымының хабарлауынша, Нетаньяху құлау салдарынан миының зақымдалмағанына көз жеткізу үшін компьютерлік томографиядан өтті.
Нетаньяху кеңсесінің мәлімдемесіне сәйкес, премьер-министрді медициналық тексеру кезінде ешқандай ауытқулар анықталған жоқ. Дәрігерлер бастапқыда өте ыстық ауа райының салдарынан қатты сусыздану диагнозын қойды. ТАСС агенттігінің хабарлауынша, Нетаньяхудың жағдайы қанағаттанарлық деп бағалануда.
«Дәрігерлердің ұсынысы бойынша премьер-министр қосымша тексерулерден өтуді жалғастыруда», - деді Нетаньяхудың кеңсесі.
