Мәскеу мэрінің сайтындағы мәліметке сәйкес, Қызыл алаң кітап фестивалі астанада 6 маусымда алтыншы рет өтеді.
«6 маусымда елордада жыл сайынғы Қызыл алаң кітап фестивалі ашылады... Қатысушылар мен қонақтар ерекше әдеби марафоннан ләззат алады. Жәрмеңкеге кіру Мәскеудің қолданыстағы ережелеріне бағынады: фестивальге жаяу кіруге болады немесе бір реттік келу үшін цифрлық рұқсат алу қажет», - делінген хабарламада.
Жаңа санитарлық және ұйымдастырушылық талаптарға сәйкес, фестиваль аумағында болған кезде бетперде мен қолғап кию міндетті. Келушілер кемінде 1,5 метр әлеуметтік арақашықтықты сақтауы керек. Фестиваль өтетін орындар үнемі дезинфекцияланады. Коронавирус пандемиясына байланысты фестиваль алдыңғы жылдармен салыстырғанда ауқымы бойынша кішірек болады. Қызыл алаңда бірнеше орын құрылады: Бас сахна, Балалар сахнасы, Көркем әдебиет, Көркем емес әдебиет, Мұражай желісі және Отан тарихы. Фестивальде 200-ден астам баспагер өз кітаптарын ұсынады.
