Биылғы жылдың маусым айында Еуропа нарығында 308 Lada көлігі сатылды. Бұл көрсеткіш өткен жылдың сәйкес кезеңімен салыстырғанда 11,7%-ға төмен. Сол кезде ресейлік брендтің импорттаушылары Еуропада 349 көлік сатқан.
Еуропалық автомобиль өндірушілер қауымдастығының ( ACEA ) мәліметтері бойынша, Lada 2020 жылдың алғашқы алты айында Еуропалық Одақта 1146 көлік сатқан, бұл өткен жылы 2355 көлік болған. Бұл Lada сатылымының 51,3%-ға төмендеуін білдіреді.
Бірінші жартыжылдықтың нәтижелері бойынша танымалдылық рейтингі бойынша Lada Еуропа нарығында екінші орында тұр және сату нәтижелері бойынша Renault компаниясына тиесілі Alpine (444 бірлік) көлігін басып озды.
Естеріңізге сала кетейік, 2019 жылы ЕО-дағы Lada сатылымы 3,9%-ға төмендеп, барлығы 4 956 дананы құрады. 2017 жылдан бастап компания ЕО-ның бес елінде: Германия, Австрия, Болгария, Литва және Венгрияда өкілдік етті. Еуропалық сатып алушыларға Lada Vesta және Lada 4×4 ұсынылды.
2019 жылдың соңында АвтоВАЗ қатаң экологиялық ережелерге байланысты Lada көлігін Еуропа нарығынан шығаратынын жариялады. Мұның бір себебі - Renault-Nissan-Mitsubishi альянсының жаңа маркетингтік саясаты.
