Еуропа Хельсинкиден Таллинге дейін созылуы жоспарланған ең ұзын су асты теміржол туннелінің құрылысын тоқтатуды қарастырып жатыр. Bloomberg агенттігінің хабарлауынша, Эстония билігі жобаның орындылығына күмән келтірген.
«Қазіргі уақытта мемлекетке қолжетімді ақпаратты ескере отырып, бізде бұл жобаның экологиялық, экономикалық және қауіпсіздік тұрғысынан орындылығына күмәндануға негіз бар», - деді Эстонияның мемлекеттік басқару министрі Яак Ааб.
Құрылысты Финляндияның FinЕst Bay Area компаниясы жүргізуі керек еді, бірақ Эстония қаржыландыру көздеріне сенімді емес. Құрылысқа қаражат Қытайдан келеді деп күтілген, бірақ Таллин мұны шетелдік инвестицияларды саяси пайдалану мен технологиялық тәуелділік әлеуетіне қауіп ретінде қарастырды. Эстония билігі FinЕst Bay Area жобаны бірнеше рет нақтылағанын, бірақ қаржыландыру мәселесі бірнеше жыл бойы түсініксіз болып қала беретінін атап өтті. Дегенмен, компания қаржыландыру жеке көздерден келетініне және Эстония мен Финляндиядан мемлекеттік қаржыландыруды қажет етпейтініне сендіреді.
Су асты туннелі Финляндия мен Эстония астаналарын байланыстыру үшін жоспарланған болатын. Жалпы ұзындығы 103 шақырым, ал туннельдің су асты ұзындығы 50-ден 56 шақырымға дейін болады деп болжанған болатын. Сонымен қатар, кем дегенде бір жасанды арал салу қажет болар еді, бұл 17 миллиард долларға бағаланатын еді.
