Жаңа зерттеу ғалымдарды таң қалдырды.
Кетогендік диета қажетсіз салмақтан арылудың танымал тәсіліне айналды. Дегенмен, жақында жүргізілген зерттеу оның ағзаға тұмаумен күресуге де көмектесетінін көрсетті.
Тәжірибе үшін Йель университетінің ғалымдары тұмау вирусын жұқтырған тышқандарды екі топқа бөлді. Біреуіне көмірсуы аз, майы көп тағам берілді, ал екіншісіне көмірсуы көп тағам берілді. Бірінші топтың өмір сүру деңгейі жоғары болды.
Зерттеушілер тобы кетогендік диета немесе қысқаша кето өкпенің шырышты қабығында шырыш шығаратын иммундық жүйе жасушаларының бөлінуін тудыратынын анықтады. Бұл жасушалар вирусты ерте кезеңде ұстап, оның организмде дамуына жол бермейді.
«Бұл зерттеу ағзаның біз жейтін тағамнан кетон денелерін өндіру үшін майды жағу тәсілі тұмау инфекциясымен күресу үшін иммундық жүйені жандандыруы мүмкін екенін көрсетеді», - деді ғалымдар.
Кето диетасының ерекшелігі неде?
Тамақтану рационымызға май қосу және көмірсуларды азайту арқылы біз денемізді кетоз немесе көмірсулар аштығы күйіне келтіреміз. Бұл күйде дене энергия алу үшін май жасушаларын ыдырата бастайды.
Бұл диетаның Аткинс диетасымен көп ұқсастығы бар, себебі ол көмірсуларды тұтынуды күрт азайтып, оны майлармен алмастыруды да қамтиды.
Не рұқсат етіледі?
- Ет
- Жапырақты көкөністер
- Крахмалсыз көкөністер
- Майлылығы жоғары сүт өнімдері
- Жаңғақтар мен тұқымдар
- Авокадо және жидектер
- Өсімдік майлары
Не жеуге болмайды?
- Дәнді дақылдар, оның ішінде күріш және бидай
- Қант, бал және үйеңкі сиропы
- Көптеген жемістер
- Кәдімгі және тәтті картоп
