Украинадағы Ресей күштері Лысычанск пен Северодонецкті басып алу әрекеттерін жалғастыруда. Қақтығыстар жалғасуда. Соғыс құрбандарының саны артып келеді. Мәйіттер жаппай зираттарға жерленуде. Бұл адамдар Ресейдің қоршауда деп мәлімдеген Северодонецк қаласынан эвакуацияланды.
Украинаның Қорғаныс министрлігі Донецк облысына Ресейдің зымыран шабуылдарының қарқынды жүргізілгенін көрсететін кадрларды жариялады. Кадрдың түсірілген күні көрсетілмеген.
Украина президенті Владимир Зеленский өзінің түнгі сөзінде Донбасс украиндық болатынын мәлімдеді. Ол бұған дейін соғысты тоқтату мүмкіндігі болса, Ресей президенті Владимир Путинмен кездесуге дайын екенін білдірген болатын.
Жұма күні Австрия канцлері Карл Нехаммер Путинмен телефон арқылы сөйлесті. Кремльдің баспасөз қызметінің хабарлауынша, «Киевтің Ресей мен Украина өкілдері арасындағы келіссөздер процесін бұзғаны атап өтілді».
Әлемдік азық-түлік қауіпсіздігі мәселелеріне тоқталған Путин «әлемдік нарықтарға ауыл шаруашылығы өнімдерін жеткізудегі қиындықтар үшін Ресейді кінәлау әрекеттері негізсіз» екенін айтты.
Жұма күні Ресей әскери шенеуніктері Мариуполь портындағы миналарды тазартуды аяқтап, батып кеткен кемелерді Азов теңізінен шығарғанын хабарлады.
