Германия Сыртқы істер министрлігінің өкілі Кристофер Бургер Ресейдің бес бас консулдығының тек біреуі ғана Германияда жұмысын жалғастыратынын мәлімдеді.
«Берлиндегі бір консулдық пен Ресей елшілігі жұмыс істеуге рұқсат алды», - деді ол.
Ол бұл шараның Мәскеудің Германия дипломатиялық миссиясындағы қызметкерлер санын 350-ге дейін қысқарту талабына жауап екенін түсіндірді. Дипломаттарға жұмысын тоқтату үшін жыл соңына дейін уақыт беріледі.
Тиісінше, Германия Калининград, Новосибирск және Екатеринбургтегі консулдықтарын жабады. Тек Мәскеу мен Санкт-Петербургтегі консулдықтар ғана ашық қалады.
Ресей Сыртқы істер министрлігі бұл мәселе бойынша мәлімдеме жасайды, деп хабарлады РИА Новостиге ведомствоның ресми өкілі Мария Захарова.
Сәуір айының соңында Берлин 20-дан астам ресейлік дипломатты персона нон-грата деп жариялады. Мәскеу Германия елшілігінің қызметкерлерін елден қуып жіберумен жауап берді және Ресейдегі неміс мекемелеріндегі қызметкерлер санына ең жоғары шектеу қоюды талап етті.
