Ағылшын футбол клубы «Челси» неміс бас бапкері Томас Тухельмен келісімшарттарын бұзды. Бұл жаңалық спорт әлемін дүр сілкіндірді.
«Челсидің» иелері клубты алға жылжыту үшін көп жұмыс істеп жатқандарын және жаңа иелері басшылықты қолға алғаннан кейін 100 күн өткен соң, өзгеріс енгізудің уақыты келгенін айтты.
Клуб басшылығы Тухельдің келісімшартын «Челси» Чемпиондар лигасының топтық кезеңінің алғашқы матчында Загребтің «Динамосынан» 0-1 есебімен жеңілгеннен кейінгі күні бұзды.
Бұған дейін команданың жеңілісіне түсініктеме берген Тухель: «Мен өзіме, біздің өнерімізге ашулымын. Бұл біздің барлығымыз үшін үлкен кемшілік. Біз жеткілікті дәл, жеткілікті агрессивті немесе жеткілікті шешім қабылдай алмадық. Біз жеке де, команда ретінде де толық әлеуетімізбен ойнай алмадық, сондықтан жеңіліске ұшырадық», - деген болатын.
«Челси» маусым басында Премьер-лигада алты ойында үш жеңіске жетіп, алтыншы орында тұр. Тухель «Челсиді» 2021 жылдың қаңтарынан бері жаттықтырады. Оның басшылығымен команда Чемпиондар Лигасын, УЕФА Суперкубогын және ФИФА клубтық әлем кубогын жеңіп алды.
