Литва темір жолдары сейсенбі күні Ресейден Калининградқа санкцияланған тауарларды тасымалдайтын алғашқы пойыздың Литва арқылы өтіп, баратын жеріне жеткенін растады.
Бұл туралы Delfi басылымына сілтеме жасай отырып, European Pravda хабарлады.
«Калининградқа баратын бірінші пойыз өтіп кетті, бүгін (26 шілде) екіншісі кеденде тексерілді», - деді сейсенбіде LS коммуникация бөлімінің басшысы Мантас Дубаускас.
Литва кеден департаментінің өкілі Лина Лауринайтите-Григиеннің айтуынша, сейсенбі күні Киана шекара бекетінде бес вагон цемент жүк тиеген екінші пойызды тексеру аяқталып, Калининградқа кіруге рұқсат етілді.
«Ол қазірдің өзінде тексеріліп, кетіп қалды», - деді Лауринайтите-Григиене сейсенбіде.
Литва темір жолдары бұған дейін Еуропалық Одақтың санкциялар тізіміне енгізілген тауарлардың Ресейдің Калининград облысына транзитін қайта жандандырған болатын.
Естеріңізге сала кетейік, 13 шілдеде Еуропалық Комиссия ЕО мүше мемлекеттеріне Ресейден тауарларды транзиттеу бойынша қосымша нұсқаулық жариялады, онда кейбір санкцияланған тауарларды Калининград облысына теміржол арқылы тасымалдауға рұқсат етілді.
ЕО-ның Ресейге қарсы бесінші санкциялар пакетінің өтпелі кезеңі аяқталғаннан кейін, Литва арқылы цемент, спирт, ағаш, шыны, алюминий, қағаз өнімдері, гипс және басқа да ресейлік тауарларды тасымалдауға тыйым салынды. Литва бұған дейін ЕО санкцияларына байланысты Калининград облысына болат пен қара металдардың транзитін шектеген болатын.
