Ұлыбритания Мәскеу және бүкіл Русь патриархы Кириллге «Ресейдің Украинаға қарсы әскери агрессиясын белсенді қолдағаны» үшін санкциялар салды, деп хабарлады үкімет ресми мәлімдемесінде.
Сыртқы істер министрі Лиз Трасс Орыс православие шіркеуінің басшысы «Путиннің көптен бергі одақтасы ретінде соғысты ақтау үшін өз қызметін асыра пайдаланды» деп түсіндірді.
Орыс православие шіркеуі бұл шешімді «абсурд», «кері нәтиже беретін» және «еуропалық қауымдастық пен Ресей арасындағы байланысты үзуге ықпал ететін» деп сипаттады.
Ресей президентінің балалар құқықтары жөніндегі комиссары Мария Львова-Белова да шектеулерге ұшырады. Ол «жүздеген украин балаларын күштеп алып, асырап алуды ұйымдастырды» деп айыпталуда.
Қара тізімге сондай-ақ Лондон Бухадағы соғыс қылмыстары үшін жауапты деп санайтын Ресей Қарулы Күштерінің 64-ші бөлек мотоатқыштар бригадасының төрт полковнигі де енген.
Жоғарыда аталған адамдарға Ұлыбританияға кіруге тыйым салынды және олардың британдық юрисдикциядағы активтері бұғатталды.
