РБК, RT, REN TV және «Известия» басылымдарының төтенше жағдайлар қызметіндегі дереккөздеріне сүйенсек, Белгород облысында Ил-76 әскери ұшағы апатқа ұшырады.
Сағат 11:48-де Белгород облысының губернаторы Вячеслав Гладков өзінің Telegram арнасында Короча ауданында болған оқиға туралы нақты не болғанын айтпай жариялады. Ол оқиға орнына келгенін атап өтіп, мәліметтерді кейінірек нақтылауға уәде берді.
«Қазіргі уақытта оқиға орнында тергеу тобы мен төтенше жағдайлар қызметінің қызметкерлері жұмыс істеп жатыр. Мен жұмыс кестемді өзгертіп, сол жерге бардым. Толығырақ ақпарат кейінірек жарияланады», - деп жазды облыс әкімі.
Сонымен қатар, әлеуметтік желілерде апат болған жерден фотосуреттер мен бейнелер пайда бола бастады. Telergam арнасының «112» мәліметі бойынша, апатқа ұшыраған Ил-76 ұшағында шамамен 63 адам болған. Қорғаныс министрлігі ұшақ апатына қатысты түсініктеме бермей отыр.
Сондай-ақ, 24 қаңтарда Белгород облысында зымыран дабылы жарияланды. Вячеслав Гладковтың Telegram арнасындағы жазбаларына сәйкес, ол сағат 11:12-ден 11:43-ке дейін созылды. Облыс губернаторы сонымен қатар аймақта дрон атып түсірілгенін хабарлады.
ЖАҢАРТУ: Қорғаныс министрлігі РИА Новости агенттігіне апат шамамен сағат 11:00-де болғанын хабарлады. Бортта айырбастау үшін Белгород облысына жеткізілген Украина Қарулы Күштерінің 65 тұтқын әскери қызметшісі болды. Сондай-ақ, бортта алты экипаж мүшесі және үш серік болған.
