Аргентинаның вице-президенті Кристина Киршнерге қастандық жасалды. Шабуыл саясаткер үйіне қайтып келе жатқанда Буэнос-Айрес көшелерінің бірінде болды, деп хабарлайды TN.
Шабуылдаушы дереу ұсталды. Қылмыскер 2018 жылы Аргентинаға көшіп келген 35 жастағы Бразилия азаматы болып шықты. Оның тапаншасы оқталған, бірақ дұрыс атылмаған. Ол бұған дейін наурыз айында қару алып жүргені үшін қамауға алынған болатын.
Қастандық әрекетінің себебі жарияланбаған, бірақ Кристина Киршнерге сыбайлас жемқорлық айыптары тағылғаны белгілі. Бір аптадан астам уақыт бойы бұл істе Киршнерді қолдайтын адамдар оның үйінің маңына жиналып жатыр.
Аргентина шенеуніктері жәбірленушіге қолдау білдірді. Атап айтқанда, сыртқы істер министрі Сантьяго Кафьеро «бұл елде демократия қалпына келтірілгеннен бергі ең ауыр саяси зорлық-зомбылық актісі» деп мәлімдеді.
Кристина Фернандес де Киршнер - Аргентинаның екінші әйел президенті (Изабел Пероннан кейін) және сайлау арқылы билікке келген алғашқы президент (Изабел күйеуі қайтыс болғаннан кейін қызметке кірісті және бірнеше жылдан кейін әскери хунта биліктен тайдырды).
Киршнер 2007 жылдан 2015 жылға дейін Аргентина президенті қызметін атқарды. 2019 жылы ол вице-президент болды. Ол өзінің саяси мансабын 1947 жылы Хуан мен Эвита Перон құрған Юстициалистік партияда құрды.
