Түркияда Украина Әскери-теңіз күштеріне арналған алғашқы Ada класты корвет суға түсірілді.
Бұл туралы Украина Әскери-теңіз күштері хабарлады.
«Бүгін, 2 қазанда, Стамбұлдағы Әскери-теңіз кеме жасау зауытында Украина Әскери-теңіз күштерінің тапсырысы бойынша салынып жатқан алғашқы Ada MILGEM корветінің суға түсіру рәсімі өтті», - делінген хабарламада.
Украина Әскери-теңіз күштерінің қолбасшысы, вице-адмирал Алексей Нейжпапаның «Гетман Иван Мазепа» атты әскери кеменің суға түсіру рәсіміне қатысқаны атап өтілді.
Ол кеменің суға түсуі маңызды оқиға екенін, бұл тәуелсіздік пен аумақтық тұтастық үшін соғыс жағдайында Түркия Республикасының Украинаның досы екенін көрсететінін мәлімдеді.
UNIAN агенттігінің хабарлауынша, Украина Әскери-теңіз күштеріне арналған корвет класты кеменің килі 2021 жылдың қыркүйегінде Түркияда салынған.
Корвет Ыстамбұлдағы кеме жасау зауытында Украина Әскери-теңіз күштерінің Бас қолбасшысы бастаған Украина Қорғаныс министрлігінің делегациясының қатысуымен салынды.
Ada класты корветтің құрылысы 2021 жылдың 28 сәуірінен бері жалғасып келеді, бірақ түрік дәстүрі бойынша, кильді қалау рәсімі тек кейбір бөліктер мен корпус салынғаннан кейін ғана өткізіледі.
