ბულგარეთმა ორი რუსი დიპლომატი პერსონა ნონ გრატად გამოაცხადა და ქვეყნის დასატოვებლად 72 საათი მისცა.
bourgas.ru-ს ცნობით, ბულგარეთმა ორი რუსი დიპლომატი პერსონა ნონ გრატად გამოაცხადა და ქვეყნის დასატოვებლად 72 საათი მისცა. ბულგარეთის საგარეო საქმეთა სამინისტროს ცნობით, ამ ინფორმაციის შემცველი ნოტა დღეს რუსეთის საელჩოს ხელმძღვანელის მოადგილეს გადაეცა.
არაოფიციალური ინფორმაციით, ორი დიპლომატი, რომლებიც მალე იძულებულნი იქნებიან დატოვონ ბულგარეთი, არიან რუსეთის საგარეო დაზვერვის ოფიცრები ალექსანდრ ზინკინი და მაქსიმ რიბკინი.
შეგახსენებთ, რომ ბულგარეთმა, რომელსაც რუსეთთან მჭიდრო ისტორიული და კულტურული კავშირები აქვს, ბოლო ორი წლის განმავლობაში რამდენიმე რუსი დიპლომატი გააძევა. ყველა მათგანი ჯაშუშობისთვის გააძევეს. და როგორც ვხედავთ, ეს პროცესი გრძელდება. სხვათა შორის, რუსეთმა რუსი დიპლომატების გაძევებას სარკისებური ზომებით უპასუხა და ბულგარელი დიპლომატები გააძევა.
