კვლევებმა აჩვენა, რომ ჭარბი წონა და ორგანიზმში ლიპიდების დიდი რაოდენობა ავთვისებიანი უჯრედების ზრდასა და ადაპტაციას აადვილებს.
არსებული მონაცემების თანახმად, კიბო გამოწვეულია გენეტიკური ცვლილებებით, რომლებიც არღვევს უჯრედების ნორმალურ ზრდას. კვლევებმა აჩვენა, რომ სიმსუქნე ზრდის კიბოს განვითარების რისკს. ახლა კი, მეცნიერებმა აღმოაჩინეს გამომწვევი მიზეზი.
ბერგენის უნივერსიტეტის მკვლევრებმა აღმოაჩინეს, რომ სიმსუქნესთან დაკავშირებული ლიპიდები ავთვისებიან უჯრედებს უფრო აგრესიულს და სიმსივნის წარმოქმნისკენ მიდრეკილს ხდის. ჟურნალ „Nature Communications“-ის ცნობით, სიმსუქნე ორგანიზმში ქმნის გარემოს, რომელიც აძლიერებს კიბოს უჯრედების ადაპტაციას.
კვლევის ავტორების თქმით, გენური მუტაციების არარსებობის შემთხვევაშიც კი, ჭარბი წონა მნიშვნელოვნად ზრდის ორგანიზმში სიმსივნის განვითარების რისკს.
სტატისტიკის მიხედვით, ყოველწლიურად სიმსუქნით გამოწვეული კიბოს დაახლოებით 500 000 ახალი შემთხვევა ფიქსირდება. მეცნიერები თვლიან, რომ ამ პროცესის გაგება მკურნალობის ახალი მეთოდების შემუშავებას გამოიწვევს.
