ინგლისური საფეხბურთო კლუბი „ჩელსი“ გერმანელ მთავარ მწვრთნელ თომას ტუხელს დაშორდა. ამ ამბავმა სპორტულ სამყაროში შოკი გამოიწვია.
„ჩელსის“ მფლობელებმა განაცხადეს, რომ ისინი კლუბის წინსვლისთვის ბევრს მუშაობენ და რომ ახალი მფლობელების ხელმძღვანელობიდან 100 დღის შემდეგ, ცვლილებებისთვის შესაფერისი დრო დადგა.
კლუბის ხელმძღვანელობამ ტუხელთან კონტრაქტი შეწყვიტა მას შემდეგ, რაც ჩელსიმ ჩემპიონთა ლიგის ჯგუფური ეტაპის პირველ მატჩში დინამო ზაგრების წინააღმდეგ 0:1 წააგო.
მანამდე, გუნდის წაგების კომენტირებისას, ტუხელმა თქვა: „მე გაბრაზებული ვარ საკუთარ თავზე, გაბრაზებული ჩვენი თამაშით. ეს ყველა ჩვენგანისთვის უზარმაზარი ნაკლი არის. ჩვენ არ ვიყავით საკმარისად ზუსტები, საკმარისად აგრესიულები ან საკმარისად გადამწყვეტები. ჩვენ არ გამოვავლინეთ ჩვენი სრული პოტენციალი - როგორც ინდივიდუალურად, ასევე გუნდურად და სწორედ ამიტომ წავაგეთ“.
სეზონის დასაწყისში „ჩელსი“ პრემიერ ლიგაში მეექვსე ადგილზეა, ექვს მატჩში სამი გამარჯვებით. ტუხელი „ჩელსის“ 2021 წლის იანვრიდან ხელმძღვანელობს. მისი ხელმძღვანელობით გუნდმა ჩემპიონთა ლიგა, უეფას სუპერთასი და ფიფას საკლუბო მსოფლიო ჩემპიონატი მოიგო.
