გერმანიის კანცლერი ოლაფ შოლცი ბუნდესტაგში გააკრიტიკეს რუსეთის პრეზიდენტ ვლადიმერ პუტინთან მოლაპარაკებების გამო. თავდაცვის კომიტეტის თავმჯდომარის მოადგილემ, ჰენინგ ოტემ, სისხლისმსმელ კრემლის დიქტატორთან შეთანხმების მიღწევის მცდელობებს უშედეგო უწოდა.
DW-ს ცნობით, პუტინთან უაზრო ლაპარაკში დროის დაკარგვის ნაცვლად, ოტემ შოლცს ურჩია, „კიევში ზელენსკის ესაუბრა“.
ბუნდესტაგის თავდაცვის კომიტეტის თავმჯდომარის მოადგილე ქრისტიან-დემოკრატიული კავშირიდან, ჰენინგ ოტე, აკრიტიკებს გერმანიის კანცლერ ოლაფ შოლცსა და რუსეთის პრეზიდენტ ვლადიმერ პუტინს შორის სატელეფონო საუბრებს. პოლიტიკოსმა Redaktionsnetzwerk Deutschland-ს განუცხადა, რომ ის არ თვლის, რომ ეს საუბრები „წარმატებას აღწევს“.
„არა მგონია, ოლაფ შოლცის პუტინთან სატელეფონო ზარები რაიმე წარმატებას მოიტანდეს. პირიქით, მენატრება შოლცის საუბარი უკრაინის პრეზიდენტ ვოლოდიმირ ზელენსკისთან კიევში“, - ციტირებს ოტეს სიტყვებს გერმანული მედია.
პოლიტიკოსი ასევე მიიჩნევს, რომ „პუტინთან ეს სატელეფონო საუბრები ზელენსკის ინტერესებს არ ემსახურება“ და რომ ზოგიერთი ევროპელი ლიდერის, კერძოდ, შოლცის, მცდელობები, ესაუბრონ იმ ქვეყნის პრეზიდენტს, რომელმაც მეზობელ სახელმწიფოს შეუტია, აგრესიის მსხვერპლისთვის - უკრაინისთვის - „ძნელად ასატანია“.
შეგახსენებთ, რომ შაბათს, 28 მაისს, გერმანიის კანცლერმა ოლაფ შოლცმა და საფრანგეთის პრეზიდენტმა ემანუელ მაკრონმა პუტინთან 80-წუთიანი მოლაპარაკებები გამართეს. ევროპელმა ლიდერებმა კრემლისგან ცეცხლის შეწყვეტა, რუსული ჯარების უკრაინიდან გაყვანა მოითხოვეს და პუტინსა და ზელენსკის შორის პირადი მოლაპარაკებები, აზოვსტალის ქარხნიდან გამოყვანილი უკრაინელი ჯარისკაცების გაცვლა და უკრაინის პორტების განბლოკვა მოითხოვეს, რაც მზარდი გლობალური სასურსათო კრიზისის ფონზე უკრაინული მარცვლეულის ექსპორტს შესაძლებელს გახდიდა.
სამაგიეროდ, ისინი კრემლის დიქტატორისგან ისმენდნენ ზღაპრებს „მარიუპოლში მშვიდობიანი ცხოვრების აღდგენის“ და რუსეთის მიერ დანგრეული დონბასის სხვა ქალაქების შესახებ და შანტაჟს რუსეთის წინააღმდეგ სანქციების მოხსნის სანაცვლოდ საკვების მიწოდების აღდგენის შესახებ.
