ამ შემოდგომაზე, Ada Lovelace არქიტექტურაზე დაფუძნებული პირველი NVIDIA გრაფიკული ბარათები გაყიდვაში გამოვიდა, მაგრამ პროგრესი არ დგას და, შესაბამისად, უკვე გვაქვს სიახლეები „მწვანე“ კომპანიის გრაფიკის შემდეგი თაობის შესახებ.
Ada-ს შემდეგ შემდეგი არქიტექტურა იქნება Blackwell, რომელიც გამოიყენებს TSMC-ის 3 ნმ პროცესს და ხელმისაწვდომი იქნება 2024 წელს.
არქიტექტურას სახელი ამერიკელი სტატისტიკოსისა და მათემატიკოსის, დევიდ ბლექველის, პატივსაცემად ეწოდა.
აღსანიშნავია, რომ Blackwell-ის არქიტექტურა უფრო ზუსტად Hopper-ის მემკვიდრედ ითვლება და არა Lovelace-ის. ეს ჩიპები სათამაშო გრაფიკულ ბარათებში არ იქნება გამოყენებული და მეინსტრიმული მომხმარებლებისთვის განკუთვნილ RTX სერიას განსხვავებული არქიტექტურა ექნება.
თუმცა, ეს ასევე ნიშნავს, რომ 2024 წლამდე სრულფასოვანი ახალი თაობის RTX გრაფიკული ბარათის შექმნას არ უნდა ველოდოთ.
