16 სექტემბრიდან ფინეთი რუსული სანომრე ნიშნების მქონე ავტომობილებს საზღვრის გადაკვეთის უფლებას აღარ მისცემს. აკრძალვა არ გავრცელდება ფინეთში ჰუმანიტარული მიზნით მიმავალ რუსეთის მოქალაქეებზე და არც დიპლომატიური ავტომობილებზე.
ფინეთის საგარეო საქმეთა მინისტრმა ელინა ვანტონენმა რუსული სატრანსპორტო საშუალებების ქვეყანაში შესვლის აკრძალვის შესახებ 15 სექტემბერს, საგარეო საქმეთა სამინისტროს ვებსაიტზე გადაცემულ პრესკონფერენციაზე განაცხადა.
ევროკომისიამ ადრე მიიღო დირექტივა, რომელიც კრძალავს რუსეთიდან ევროკავშირში სხვადასხვა საქონლის, მათ შორის მსუბუქი ავტომობილების იმპორტს. ევროკომისიამ ხაზგასმით აღნიშნა, რომ ავტომობილის დანიშნულებას მნიშვნელობა არ აქვს.
