ვიქტორ ორბანმა ქვეყანაში საგანგებო მდგომარეობა 25 მაისიდან გამოაცხადა.
უნგრეთის პრემიერ-მინისტრმა ვიქტორ ორბანმა 25 მაისიდან ქვეყანაში საგანგებო მდგომარეობა გამოაცხადა.
ამის შესახებ მან ახალი მთავრობის ფორმირებისთანავე განაცხადა.
საგანგებო მდგომარეობა 25 მაისს, შუაღამისას გამოცხადდება. ორბანის თქმით, ეს გადაწყვეტილება მთავრობას „მანევრირების სივრცეს და უკრაინაში ომის შედეგებზე დაუყოვნებლივი რეაგირების შესაძლებლობას“ მისცემს.
ორბანმა დასძინა, რომ მთავრობა საგანგებო მდგომარეობის ფარგლებში პირველ ზომებს 25 მაისს გამოაცხადებს.
„ეს ომი უნგრეთისთვის მუდმივ საფრთხეს წარმოადგენს, რაც საფრთხეს უქმნის ჩვენს ფიზიკურ უსაფრთხოებას, ასევე ენერგომომარაგებას და ეკონომიკისა და ოჯახების ფინანსურ უსაფრთხოებას. ჩვენ ვხედავთ, რომ ბრიუსელში ომმა და სანქციებმა უზარმაზარი ეკონომიკური რყევები და ფასების მკვეთრი ზრდა გამოიწვია“, - განაცხადა ორბანმა საგანგებო მდგომარეობის გამოცხადების ახსნისას.
მიმდინარე წლის მაისში ორბანი მეხუთედ აირჩიეს უნგრეთის მთავრობის მეთაურად. „პუტინის მეგობარი“ გვთავაზობს, რომ რუსეთის ნავთობზე ემბარგოს საკითხი არ წამოიჭრას ევროკავშირის მომავალ სამიტზე.
ორბანმა ადრე რუსეთის წინააღმდეგ სანქციების დაწესება „ატომურ ბომბს“ შეადარა. უნგრელმა პოლიტიკოსმა ასევე გააპროტესტა ევროკავშირის მიერ მის ქვეყანაზე „კულტურის თავს მოხვევა“.
