რუსეთის სრულმასშტაბიანი აგრესიის სამ კვირაში უკრაინის არმიამ 10-ზე მეტი მაღალი რანგის რუსი მეთაური გაანადგურა, მათ შორის სულ მცირე ექვსი გენერალი.
ამის შესახებ უკრაინის შეიარაღებული ძალების მთავარსარდლის ადმინისტრაცია იტყობინება.
„„ელიტური“ რუსული დივიზიები უკრაინის შავი მიწისთვის „ელიტურ“ სასუქად იქცევა. მაღალი რანგის რუსი გენერლებიც იღუპებიან, ვერ ახერხებენ რაიმე გამარჯვების დემონსტრირებას და პირადად იღებენ საბრძოლო მოქმედებების სათავეში ფრონტის ხაზზე. „რათა მათ ბუნკერში მყოფ „ფიურერს“ მაინც მოახსენონ, რომ მათ, სულ მცირე, ყველაფერი გააკეთეს, რაც შეეძლოთ“, - ნათქვამია განცხადებაში.
განადგურებული რაშისტი გენერლები:
- გენერალ-მაიორი მაგომედ ტუშაევი – რუსეთის გვარდიის მოტორიზებული პოლკის მეთაური;
- გენერალ-მაიორი ვიტალი გერასიმოვი – ცენტრალური სამხედრო ოლქის 41-ე არმიის მეთაურის პირველი მოადგილე;
- გენერალ-მაიორი ანდრეი კოლესნიკოვი – აღმოსავლეთ სამხედრო ოლქის 29-ე არმიის მეთაური;
- გენერალ-მაიორი ანდრეი სუხოვსკი – ცენტრალური სამხედრო ოლქის 41-ე არმიის მეთაურის მოადგილე;
- გენერალ-მაიორი ოლეგ მიტიაევი – 150-ე მოტომსროლელი დივიზიის მეთაური;
- გენერალ-ლეიტენანტი ანდრეი მორდვიჩევი – სამხრეთ სამხედრო ოლქის მე-8 გვარდიის კომბინირებული შეიარაღებული არმიის მეთაური.
