250-ზე მეტი რუსი ტურისტი ჰავანაში მოსკოვში მიმავალი რეისის გაუქმების შემდეგ აღმოჩნდა, იტყობინება .
Boeing 777-ის ტურბინის გაუმართაობის გამო ფრენა 30 საათზე მეტხანს შეფერხდა. ავიაკომპანიისგან ინფორმაციის მოლოდინში მგზავრებს საკვების, წყლისა და ძირითადი კეთილმოწყობის ნაკლებობა შეექმნათ და მოგვიანებით, აეროპორტის ტერმინალში კარვები გაშალეს.
ავიაკომპანიის წარმომადგენლებმა განაცხადეს, რომ რეისის დაგვიანება გამოწვეული იყო ტექნიკური პრობლემებით, ეკიპაჟის დასვენების საჭიროებებით და საკვების დაგვიანებით მიწოდებით. მხოლოდ მას შემდეგ, რაც მგზავრებმა ტერმინალში კარვები გაშალეს, ადგილობრივმა ხელისუფლებამ სასტუმროში განთავსება უზრუნველყო.
რუსული ავიაკომპანიების რეისების დაგვიანების პრობლემებმა სისტემური ხასიათი მიიღო. 2024 წელს მსგავსი ინციდენტები დუბაიშიც მოხდა, როდესაც მგზავრთა რეგისტრაციის სისტემაში არსებულმა გაუმართაობამ ხუთი რეისი გადადო. ამ ინციდენტების საპასუხოდ, რუსეთმა დაგვიანებისთვის ჯარიმები გაზარდა, თუმცა გამონაკლისები დაშვებულია ტექნიკური გაუმართაობით გამოწვეული სიტუაციებისთვის.
