ადმირალმა სერგეი ავაკიანცმა რუსეთის წყნარი ოკეანის ფლოტის მთავარსარდლის თანამდებობიდან გადადგა. ერთი კვირის წინ ფლოტმა საბრძოლო მზადყოფნის „მოულოდნელი შემოწმება“ ჩაატარა.
ვლადიმერ პუტინის წარმომადგენელმა შორეული აღმოსავლეთის ფედერალურ ოლქში, იური ტრუტნევმა განაცხადა, რომ ავაკიანცი „სამხედრო-სპორტული მომზადებისა და პატრიოტული განათლების ცენტრების ზედამხედველ შტაბის“ ხელმძღვანელი გახდა.
რუსეთის წყნარი ოკეანის ფლოტში შედის 155-ე ცალკეული გვარდიის საზღვაო ქვეითთა ბრიგადა, რომელმაც, როგორც ამბობენ, დიდი დანაკარგები განიცადა რუსეთის მიერ უკრაინაში შეჭრის დროს.
სერგეი ავაკიანცი წყნარი ოკეანის ფლოტს 2012 წლის მაისიდან მეთაურობდა. მისი გადადგომის შესახებ განცხადება გასულ კვირას დაწყებული ფლოტის საბრძოლო მზადყოფნის მოულოდნელი შემოწმების ფონზე გაკეთდა.