იტალიელმა ტენორმა ჯანლუკა ტერანოვამ გადაწყვიტა, ჯაკომო პუჩინის კლასიკური ოპერა „ბოჰემა“ ახალგაზრდა აუდიტორიისთვის ადაპტირება მოახდინოს, რომელიც უფრო მოკლე და დინამიურ შინაარსს ეძებს.
როგორც იუწყება The Times-ზე დაყრდნობით, ოპერის ახალი ვერსია 90 წუთამდე შემცირდა, რაც ორიგინალის ხანგრძლივობის ნახევარია, რათა მოეწონათ „TikTok თაობა“, რომელიც ხშირად ოპერას ზედმეტად გაწელილსა და რთულს მიიჩნევს.
„ტერანოვა“ იმედოვნებს, რომ შემოკლებული ფორმატი და არიის დაჩქარებული ტემპი ახალგაზრდა აუდიტორიის მოზიდვას შეუწყობს ხელს და ოპერას უფრო ხელმისაწვდომს გახდის. გარდა ამისა, გამარტივებული ვერსია ამცირებს წარმოების ხარჯებს, რაც, ტერანოვას თქმით, შესაძლოა პროვინციული თეატრების აღორძინებას შეუწყოს ხელი.
თუმცა, ყველა არ მიესალმება ამ ინოვაციას. კრიტიკოსი ალბერტო მატიოლი მიიჩნევს, რომ პუჩინის ოპერის კლასიკური სტრუქტურა ხელუხლებლად უნდა შენარჩუნდეს, რადგან ყველა ნოტს ღრმა მნიშვნელობა და აქტუალობა აქვს. ის მიიჩნევს, რომ ახალგაზრდებს ორიგინალი და არა გამარტივებული ვერსიები უნდა გააცნონ.
„ბოჰემის“ ახალი ვერსიის პრემიერა 13 სექტემბერს, იტალიის ქალაქ პერუჯაში გაიმართება.
