წითელ ხორცს მიეკუთვნება ღორის, საქონლის, ცხვრის, ირმის და თხის ხორცი. ეს საკვები მდიდარია რკინით, ცილებით და B12 ვიტამინით. მაგრამ როგორ იმოქმედებს ისინი თქვენს ჯანმრთელობაზე, თუ მათ ყოველდღიურად მიირთმევთ?
მსოფლიო კიბოს კვლევის ფონდის მონაცემებით, კვირაში წითელი ხორცის სამ პორციაზე მეტი არ უნდა მიირთვათ. თუ ამ ხორცს ყოველდღე მიირთმევთ, აი, რა შედეგები მოჰყვება ჯანმრთელობას.
- ცილის სარგებელი ჯანმრთელობისთვის. ყველაზე მეტ ცილას საქონლისა და ირმის ხორცი შეიცავს. მაგალითად, დაახლოებით 85 გრამი ირმის ხორცი შეიცავს 26 გრამ ცილას, ხოლო 113 გრამი დაფქული საქონლის ხორცი - 23 გრამ ცილას. რეკომენდებული დღიური ცილის მიღება 50 გრამია.
- ქოლესტერინის დონის მომატება. კერძოდ, თქვენი „ცუდი“ ქოლესტერინის დონე გაიზრდება. ოქსფორდის უნივერსიტეტის კვლევამ აჩვენა, რომ დღეში მოხმარებული გადამუშავებული წითელი ხორცის ყოველ დამატებით 50 გრამზე, გულის კორონარული დაავადების რისკი 18%-ით იზრდება, ხოლო გადაუმუშავებელი ხორცის ყოველ 50 გრამზე - 9%-ით.
- მე-2 ტიპის დიაბეტის განვითარების გაზრდილი რისკი. 2014 წლის კვლევის თანახმად, ხორცის რეგულარული მოხმარება დაკავშირებულია მე-2 ტიპის დიაბეტთან. ეს შეიძლება იმიტომ იყოს, რომ წითელ ხორცს შეუძლია გაზარდოს ანთება, სხეულის წონა და ვისცერული ცხიმი - ყველა ეს ფაქტორი, რომელიც ხელს უწყობს დიაბეტის განვითარებას.
- გაზრდილი ენერგია. წითელი ხორცი შეიცავს დიდი რაოდენობით რკინას და ვიტამინ B12-ს. ორივე ეს კომპონენტი მნიშვნელოვან როლს ასრულებს ენერგიის შენარჩუნებაში.
- მსხვილი ნაწლავის კიბოს განვითარების გაზრდილი რისკი. 2015 წელს ჩატარებული კვლევა ადასტურებს კავშირს ღორის, საქონლისა და ცხვრის ხორცის მაღალ მოხმარებასა და მსხვილი ნაწლავის კიბოს განვითარების მაღალ რისკს შორის. გადამუშავებული წითელი ხორცი ყველაზე საშიშად ითვლება.
- დანაყრების შეგრძნება. კვლევები აჩვენებს, რომ ცილა ყველა საკვებ ნივთიერებას შორის ყველაზე მეტად დანაყრების შეგრძნებას იწვევს.
