კანქვეშა ცხიმისგან განსხვავებით, ვისცერული ცხიმი მუცლის ღრუში ღრმად მდებარეობს. მისი გარკვეული რაოდენობა ორგანიზმისთვის მართლაც აუცილებელია, მაგრამ მისი სიჭარბე შეიძლება გულის დაავადებებთან და მე-2 ტიპის დიაბეტთან იყოს დაკავშირებული. აი, როგორ შევამციროთ ეს ცხიმი.
როგორც Evergreen Life-ის დოქტორი ბრაიან ფიშერი აღნიშნავს, ცხოვრების წესის გარკვეული ცვლილებები დაგეხმარებათ მუცლის ცხიმის მოშორებაში.
- მოერიდეთ სწრაფი კვების ობიექტებს. რაფინირებულმა ნახშირწყლებმა და შაქარმა შეიძლება ადვილად გამოიწვიოს ცხიმის დაგროვება. ამიტომ, ეცადეთ შეამციროთ შაქრის მიღება: ის გვხვდება ტკბილეულში, ნამცხვრებში, ორცხობილებში, შოკოლადში, საუზმის ბურღულეულში, იოგურტებში და ა.შ. ეცადეთ დღეში 30 გრამზე ნაკლები თავისუფალი შაქარი მიიღოთ.
- აირჩიეთ სწორი ცილები და ჯანსაღი ცხიმები. ცხიმიანი ჰამბურგერების, ბეკონისა და ძეხვეულის ნაცვლად, მიირთვით თევზი, უცხიმო ხორცი (ქათმის, ინდაურის), კვერცხი და ლობიო. ჯანსაღი ცხიმების მიღება შეგიძლიათ ავოკადოს, ნიგვზის, ზეითუნის ზეთისა და ფერმენტირებული საკვებისგან.
- არ მიიღოთ ძალიან ბევრი ალკოჰოლი. დოქტორი ფიშერი გვაფრთხილებს, რომ ალკოჰოლს შეუძლია თქვენს რაციონს კალორიები დაუმატოს, რამაც შეიძლება მუცლის ცხიმის წარმოქმნა გამოიწვიოს. ამიტომ, უმჯობესია, ლუდი წყალთან ერთად მიირთვათ.
- იმოძრავეთ მეტი. სამეცნიერო კვლევის თანახმად, ვისცერული ცხიმის წვის საუკეთესო მეთოდი მაღალი ინტენსივობის ინტერვალური ვარჯიშია.
