იაპონური სუპერკომპიუტერი Fugaku, რომელიც ARM პროცესორებზეა დაფუძნებული, მსოფლიოში ყველაზე მძლავრ სუპერკომპიუტერად იქცა. სტრეს-ტესტების დროს მისმა გამოთვლითმა სიმძლავრემ 416 პეტაფლოპსს მიაღწია, რაც HPL საორიენტაციო მაჩვენებლის მაქსიმუმს წარმოადგენს.
მანქანის უნიკალური თვისება ის არის, რომ ის არ იყენებს გრაფიკულ დამუშავების ერთეულებს (GPU), როგორც ამას მსგავსი სუპერკომპიუტერების უმეტესობა აკეთებს. ექსპერტები თვლიან, რომ ის განსაკუთრებით სასარგებლო იქნება მანქანური სწავლების მეთოდებისთვის და ზოგადად ხელოვნურ ინტელექტთან მუშაობისთვის.
ამ სუპერკომპიუტერს შეუძლია მარტივი მათემატიკური დავალების შესრულება წამში 415 კვადრილიონჯერ. მაგალითად, იმისათვის, რომ ადამიანმა ასეთი გამოთვლები შეასრულოს, მთელი მსოფლიოს მოსახლეობა უნდა მონაწილეობდეს. გამოთვლები უნდა შესრულდეს ყოველ წამში 20 თვის განმავლობაში შეუფერხებლად.
აღსანიშნავია, რომ ბოლო ორი წლის განმავლობაში ყველაზე მძლავრი სუპერკომპიუტერი American Summit იყო. მანამდე, 2011 წელს, კიდევ ერთ იაპონურ სუპერკომპიუტერს, K-ს, მუშაობის მხრივ მსოფლიოში საუკეთესო ადგილი ეკავა.
