საფრანგეთი 35 რუს დიპლომატს გააძევებს, იტყობინება AFP საფრანგეთის საგარეო საქმეთა სამინისტროს წყაროზე დაყრდნობით.
არასასურველი დიპლომატების სიაში შედიან რუსეთის საელჩოს თანამშრომლები, „რომელთა საქმიანობა ეწინააღმდეგება ჩვენს ინტერესებს“, - ციტირებს სააგენტო საგარეო საქმეთა სამინისტროს წარმომადგენლის სიტყვებს.
ასევე დღეს გერმანიამ 40 რუსი დიპლომატის გაძევების შესახებ განაცხადა.
თავის მხრივ, ლიეტუვამ გადაწყვიტა შეემცირებინა რუსეთის დიპლომატიური წარმომადგენლობის დონე და რუსეთის ელჩს ქვეყნის დატოვება უბრძანა.
ევროპულმა ქვეყნებმა დიპლომატების გაძევების გადაწყვეტილება მიიღეს კიევის გარეუბნებში რუსი ოკუპანტების მიერ ჩადენილი სისასტიკის საშინელი მტკიცებულებების გამოქვეყნების შემდეგ.
