17 აპრილს, ხელბურთის სამგზის ჩემპიონი ვიქტორია დივაცი გარდაიცვალა. ის 29 წლის იყო. ის ასტრახანოჩკას გუნდში თამაშობდა და წინა დღეს ცსკა-ს წინააღმდეგ მატჩში მიიღო მონაწილეობა. ხელბურთის კლუბმა მისი გარდაცვალების შესახებ განაცხადა.
„ყველანი შოკში ვართ. აბსოლუტურად არავის ესმის, რა შეიძლებოდა მომხდარიყო. დილის 11 საათზე ის მეგობრებს უგზავნიდა ფოტოებს, თუ როგორ იყიდა ახალი კატა. დღის 2 საათისთვის კი ის უკვე აღარ იყო. ეს ნამდვილი ტრაგედიაა ყველა ჩვენგანისთვის“, - განუცხადა მწვრთნელმა ალექსეი ალექსეევმა Championat-ს.
ასტრახანში ტრაგედია მოხდა. მეზობლებმა მაღალსართულიანი შენობის ფანჯრების ქვეშ ახალგაზრდა ქალის ცხედარი იპოვეს. თვითმხილველების თქმით, ის აივნიდან გადმოვარდა.
ვიქტორია დივაცმა კარიერა დინამო-სინარაში დაიწყო, სადაც სამგზის ჩემპიონატი მოიგო. ასევე თამაშობდა გერმანიისა და საფრანგეთის კლუბებში. რუსეთის ახალგაზრდულ ნაკრებში თამაშისას მან 2009 წელს ევროპის ჩემპიონატი მოიგო. ბოლო ორი წლის განმავლობაში ის ასტრახანოჩკას გუნდში თამაშობდა.
