ყაზახეთმა არარეზიდენტებისთვის საბანკო ბარათების მოქმედების ვადა ერთ წლამდე შეზღუდა, იტყობინება ფინანსური ბაზრის რეგულირებისა და განვითარების სააგენტო.
ეს ცვლილება მხოლოდ ახლად გაცემულ ბარათებს ეხება და არ მოიცავს მეწარმეებს, დიპლომატებსა და ინვესტორებს.
ასევე დაწესდა შეზღუდვები ერთი კლიენტისთვის ხელმისაწვდომი ბარათების რაოდენობაზე. სააგენტოს ცნობით, ეს ზომები მიზნად ისახავს საბანკო მომსახურების უკანონო გამოყენების შემცირებას, მათ შორის ნარკოტიკებით და ციფრული აქტივებით ტრანზაქციების შემცირებას.
რუსეთის გლობალური საბანკო სისტემებიდან გათიშვის შემდეგ, ყაზახეთი „საბანკო ტურიზმის“ პოპულარულ დანიშნულების ადგილად იქცა. 2022 წლიდან 2024 წლამდე ყაზახური IIN-ის მქონე 695 000-ზე მეტმა რუსმა მიიღო ადგილობრივი ბარათები, იტყობინება MarketOverview Telegram არხი ყაზახეთის ციფრული განვითარების სამინისტროს მითითებით.
