რუსული გამოცემა „კომერსანტის“ ცნობით, „სბერბანკმა“ თავისი სათამაშო განყოფილების, „სბერგეიმსის“ დახურვის შესახებ განაცხადა. მისი სათამაშო განყოფილების დახურვის შესახებ მაისის დასაწყისიდან იყო ცნობილი, თუმცა ბანკმა ოფიციალურად მხოლოდ ახლა გაავრცელა განცხადება.
SberGames-მა შეაჩერა პერსონალის დაქირავება და ახალი პროექტების შემუშავება. პროექტზე ამჟამად მომუშავე დაახლოებით 200 სპეციალისტს შეეძლება ბანკის სხვა განყოფილებებსა და კომპანიებში გადაყვანა.
„კომერსანტის“ წყაროს ცნობით, სამუშაო ძალის მნიშვნელოვანი ნაწილი სამსახურიდან გაათავისუფლებენ.
რამდენიმე წყაროს ცნობით, მობილური თამაშების შემუშავება SberGames-ის განყოფილებას დაევალა. ამ მიზნით, პროექტმა სწრაფად დაიქირავა გამოცდილი სპეციალისტები და შესთავაზა მათ ორმაგი ხელფასი. 2021 წლის ბოლოს, SberGames-ის ქოლგის ქვეშ შეიძინეს games.ru დომენი, რომლის ღირებულება, სავარაუდოდ, 1 მილიონ დოლარს შეადგენდა.
რუსეთის მიერ უკრაინაში სრულმასშტაბიანი შეჭრის გამო სანქციების დაწესების შემდეგ, SberGames-მა დაკარგა წვდომა თამაშების გაყიდვებზე დასავლური აპლიკაციების მაღაზიების მეშვეობით.
