მოსკოვის სავიოლოვსკის სასამართლომ ბიზნესმენ ტატიანა კიმის სარჩელი დააკმაყოფილა და მას Wildberries-ის 100% წილი მიანიჭა, მათ შორის 1%, რომელიც მის ყოფილ მეუღლეს, ვლადისლავ ბაკალჩუკს ეკუთვნოდა, იტყობინება .
ადრე კიმს აქციების 99% ეკუთვნოდა, ხოლო ბაკალჩუკს - 1%. ეს გადაწყვეტილებით დასრულდა გაჭიანურებული კორპორატიული და პირადი კონფლიქტი, რომელსაც თან ახლდა ბრალდებები „კორპორატიული დარბევის“, რამზან კადიროვის ჩარევისა და კომპანიის ოფისის გარეთ სროლის შესახებ
კონფლიქტის ქრონოლოგია
- 2024 წლის ზაფხული: კიმმა 22 წლიანი ქორწინების შემდეგ განქორწინება მოითხოვა.
- 2024 წლის ივნისი: Wildberries-მა სარეკლამო ოპერატორ Russ Outdoor-თან შერწყმის შესახებ განაცხადა.
- 2024 წლის სექტემბერი: ბაკალჩუკმა და შეიარაღებულმა პირთა ჯგუფმა Wildberry-ის ოფისში შეჭრა სცადეს, რასაც სროლა და ორი დაცვის თანამშრომლის სიკვდილი მოჰყვა.
- 2024 წლის ოქტომბერი: კიმმა ოფიციალურად შეიცვალა გვარი ბაკალჩუკიდან კიმით.
- 2025 წლის თებერვალი: სასამართლომ საბოლოოდ დაამტკიცა მეუღლეებს განქორწინების უფლება.
- 2025 წლის აპრილი: სასამართლომ კიმს Wildberries-ის 100% საკუთრებაში გადასცა
შედეგები და რეაქციები
ბაკალჩუკმა, რომელიც ადრე კომპანიის 1%-ს ფლობდა, სცადა Russ Outdoor-თან შერწყმის გასაჩივრება იმ მოტივით, რომ ეს მისი ინტერესებისთვის საზიანო იყო. თუმცა, სასამართლომ მისი პრეტენზიები უარყო, რადგან ზიანის დამადასტურებელი მტკიცებულებები ვერ აღმოაჩინა. სასამართლოს გადაწყვეტილების საპასუხოდ, ბაკალჩუკმა მას „აღმაშფოთებელი, უკანონო და სრულიად არადამაკმაყოფილებელი“ უწოდა და განაცხადა, რომ სააპელაციო საჩივრის შეტანას აპირებდა
კრემლის მიერ მხარდაჭერილი Wildberries-ისა და Russ Outdoor-ის შერწყმის მიზანია რუსეთში ყველაზე დიდი ციფრული სავაჭრო პლატფორმისა და გადახდის სისტემის შექმნა. თუმცა, ყოფილ მეუღლეებს შორის კონფლიქტი, პოლიტიკური ჩარევა და კომპანიის გარშემო ძალადობა კითხვებს აჩენს კორპორატიული კულტურისა და რუსეთის ბიზნესში კანონის უზენაესობის შესახებ
