19 მაისის საღამოს რუსმა ჰაკერებმა იტალიის სამთავრობო უწყებების ვებსაიტებს შეუტიეს, იტყობინება ANSA იტალიის პოლიციაზე დაყრდნობით.
თავდასხმაზე პასუხისმგებლობა რუსულმა ჯგუფმა Killnet-მა აიღო. მათ თავდასხმა Telegram არხზე 50 სამიზნე სიის გამოქვეყნების შემდეგ განახორციელეს, მათ შორის სამინისტროების, კომპანიების, მედია საშუალებების, მარეგულირებელი ორგანოების და სასამართლოების. ჰაკერებმა ორდღიანი შეტევისკენ მოუწოდეს, რომელსაც მხოლოდ ჯანდაცვის ეროვნული სამსახური გადაურჩებოდა.
თავდასხმის მსხვერპლ ვებსაიტებს შორის იყო სასამართლო თვითმმართველობის ორგანოს, მაგისტრატთა უმაღლესი საბჭოს, საბაჟო სააგენტოს, საგარეო საქმეთა სამინისტროს და განათლებისა და კულტურული მემკვიდრეობის სამინისტროს პორტალები.
პოლიცია ამჟამად ვებსაიტების კიბერშეტევებისგან დაცვაზე მუშაობს.
