რუსეთის ელექტრონული სპორტის ფედერაციამ გადაწყვიტა, შეწყვიტოს პოპულარული თამაშის League of Legends ტურნირების ჩატარება, იმ მოტივით, რომ მასში ლგბტ პერსონაჟები არიან ჩართული. ამის შესახებ ორგანიზაციის ხელმძღვანელმა დიმიტრი სმიტმა RTVI-სთან ინტერვიუში
სმიტმა აღნიშნა, რომ თამაშის შემქმნელი, ამერიკული კომპანია Riot Games, „ლგბტ საკითხების პოპულარიზაციის თვალსაზრისით აგრესიულ პოლიტიკას ატარებს“, რაც რუსეთის კანონმდებლობას არღვევს. 2022 წელს თამაშს დაემატა შავკანიანი გეი პერსონაჟი სახელად კ’სანტე, რომელიც დასავლეთ აფრიკული კულტურით იყო შთაგონებული და ლგბტქ+ კონსულტანტების მონაწილეობით შეიქმნა.
2023 წელს, „პირველების მოძრაობის“ ორგანიზაციის ხელმძღვანელმა გრიგორი გუროვმა განაცხადა, რომ კიბერსპორტის მოთამაშეების მშობლები League of Legends-ში ლგბტ „პროპაგანდას“ უჩიოდნენ, თუმცა დეტალები არ მოუწოდებია. ორგანიზატორების ეს გადაწყვეტილება მოჰყვა კანონს, რომელიც კრძალავს „ლგბტ პროპაგანდას“, რომელსაც პრეზიდენტმა ვლადიმერ პუტინმა 2022 წლის დეკემბერში მოაწერა ხელი და რომელიც ჯარიმებს აწესებს „არატრადიციული სექსუალური ურთიერთობების ხელშემწყობი“ მასალების გავრცელებისთვის.
