რუსეთში, მრავალი ექსპერტის აზრით, რეკორდულად დაბალმა ჭვავის მოსავალმა შესაძლოა პურის ფასების რეკორდულ ნიშნულამდე გაზრდა გამოიწვიოს. რუსეთის სოფლის მეურნეობის სამინისტრომ ადრე აღნიშნა, რომ 2019 წელს ჭვავის მოსავალი ნახევარი საუკუნის განმავლობაში ყველაზე დაბალი იყო და 1,429 მილიონი ტონა მარცვლეული შეადგინა.
სოფლის მეურნეობის სამინისტროს აგროანალიზის ცენტრის მოდელირებისა და პროგნოზირების დეპარტამენტის უფროსმა, რუდოლფ ბულავინმა აღნიშნა, რომ ჭვავის საშუალო ფასი 43%-ით გაიზარდა, ხოლო შესყიდვის ფასი 44%-ით. ფასის ეს ზრდა ვაჭრობის მოცულობის შემცირებას დაემთხვევა. რუსეთიდან და ბელორუსიიდან ჭვავის შესყიდვები გაიზრდება და ჭვავის ფქვილს მეორე კლასის ფქვილი ჩაანაცვლებს.
რუსეთის მცხობელთა და საკონდიტრო ნაწარმის მწარმოებელთა გილდიის (ROSPiK) პრეზიდენტმა იური კაცნელსონმა აღნიშნა, რომ რუსეთში ჭვავის პურის ფასი 2020 წელს შესაძლოა 6.5-7%-ით გაიზარდოს. ცუდი მოსავლის გარდა, პურის ფასზე მნიშვნელოვან გავლენას მოახდენს დღგ-ს ზრდა, ქირის მაღალი გადასახადები და საწვავისა და საპოხი მასალების მაღალი ფასები.
ექსპერტები თანხმდებიან, რომ რუსეთში ჭვავის პურზე მოთხოვნა შემცირდება, თუმცა საბაზრო მექანიზმები ხელს შეუწყობს სიტუაციის შემსუბუქებას და ფასების ზრდა ისეთი კატასტროფული არ იქნება, როგორც ამჟამად არის მოსალოდნელი.
