წინასწარი შეფასებით, პანდემიის გამო რუსეთის მოსახლეობა 2020 წლის ბოლოსთვის 158 000 ადამიანით შემცირდება - ეს ბოლო 14 წლის განმავლობაში ყველაზე დიდი შემცირებაა. ამის შესახებ ნათქვამია მთავრობის მიერ რუსეთის ეროვნული განვითარების მიზნების 2024 წლამდე და 2030 წლამდე დაგეგმვის პერიოდისთვის შემუშავებულ ერთიან გეგმაში, იტყობინება RBK.
2020 წელს რუსეთის მოსახლეობა წინა წლებთან შედარებით ხუთჯერ უფრო სწრაფად შემცირდება. პანდემიის გამო, იანვრიდან ივნისამდე სიკვდილიანობის მაჩვენებელი 2019 წლის ანალოგიურ პერიოდთან შედარებით 3.1%-ით გაიზარდა, ხოლო შობადობა 5.4%-ით შემცირდა.
კორონავირუსის პანდემიის შემდეგ მოსახლეობის საერთო ზრდის დადებითი ტემპები მხოლოდ 2022 წელს უნდა დაბრუნდეს. უფრო მნიშვნელოვანი კლება მხოლოდ 2006 წელს დაფიქსირდა, როდესაც ქვეყნის მოსახლეობა 373 900 ადამიანით შემცირდა.
