სითბოს ინარჩუნებს 6 საათამდე.
ITMO უნივერსიტეტის სტუდენტებმა და კომპანია Red Fox-მა შექმნეს ელექტრონიკით აღჭურვილი ქურთუკი, რომელიც -70°C-მდე ტემპერატურაზეც კი სითბოს შეგინარჩუნებთ.
ხაიტეკის თქმით, სპეციალისტებმა ტექსტილი ფუნქციური პოლიმერებისგან — წვრილად დისპერსიული გრაფიტისა და ნახშირბადის ნანომილაკებისგან — სპეციალური პასტით დაფარეს. ელექტრონული გათბობის წყალობით, ამ ქურთუკს შეუძლია სითბოს შენარჩუნება ექვს საათამდე, ზემოთ ხსენებულ ტემპერატურაზეც კი.
შემქმნელების თქმით, ახალი ქურთუკი 10 სვიტერის ჩაცმის საჭიროებას გამორიცხავს. ზედა ტანსაცმლის კვება სტანდარტული დამტენითაა შესაძლებელი. ელექტრონული კომპონენტების მიუხედავად, ქურთუკი ირეცხება.
მომავალში სპეციალისტები გაცხელებადი პროდუქტების სრული ხაზის გამოშვებას გეგმავენ. ეს მოიცავს ქურთუკებს, შარვლებს, ხელთათმანებს, ასევე საძილე ტომრებსა და ხალიჩებს.
