რუსი სპეციალისტები მუშაობენ მანქანური ხედვის სისტემაზე, სახელწოდებით „ნიღაბი“, იუწყება RT ეროვნული ტექნოლოგიური ინიციატივის (NTI) პრესსამსახურზე დაყრდნობით. ის აღმოაჩენს ისეთ დარღვევებს, როგორიცაა ნიღბის ან სხვა პირადი დამცავი აღჭურვილობის არარსებობა.
ეს სისტემა ხელს შეუწყობს საავადმყოფოებში ექიმებისა და პაციენტების, ასევე სამთავრობო დაწესებულებების ვიზიტორების მიერ პირბადის ტარების მონიტორინგს და თანამშრომლებს ნებისმიერი დარღვევის შესახებ გააფრთხილებს. „სისტემას შეუძლია შეამციროს ინფექციის რისკი საბავშვო ბაღებში, სკოლებში, საავადმყოფოებსა და სხვა სამთავრობო დაწესებულებებში. კერძოდ, საავადმყოფოებში, სისტემა ხელს შეუწყობს ინფექციის რისკის 50%-ით შემცირებას „მწვანე ზონაში“ და 95%-მდე „წითელ ზონაში“, - ამტკიცებს NTI.
„ნიღაბი“ ვიდეო მონაცემებს სხვადასხვა კუთხიდან და განათების პირობებიდან გააანალიზებს. დეველოპერების თქმით, ალგორითმები 99%-მდე ზუსტია. საზოგადოებრივი ჯანმრთელობის უსაფრთხოების ზომების დაცვაზე პასუხისმგებელ პირებს ამის შესახებ მობილური აპლიკაციის საშუალებით ეცნობებათ.
შეგახსენებთ, რომ რუსეთში შემთხვევების ზრდის ფონზე, ნიღბის ტარების უნივერსალური სავალდებულოობა შემოიღეს. დამცავი აღჭურვილობის ტარება სავალდებულოა საზოგადოებრივ ტრანსპორტში, მაღაზიებსა და სხვა ხალხმრავალ ადგილებში.
