17 მაისის მდგომარეობით, რუსეთში კორონავირუსის გავრცელება შეჩერებულია. ამის შესახებ „რია ნოვოსტის“ ცნობით, „როსპოტრებნადზორის“ ხელმძღვანელმა ანა პოპოვამ განაცხადა.
მისი თქმით, მთელი ქვეყნის მასშტაბით სტაბილიზაცია შეინიშნება. „უნდა გავითვალისწინოთ, რომ ზაფხულშიც კი (სიცხეში) კორონავირუსით ინფიცირების რისკის შესამცირებლად იგივე წესების დაცვა მოგვიწევს“, - აღნიშნა მან.
სამუშაო ჯგუფის სტატისტიკის თანახმად, რუსეთში კორონავირუსის 10 000-ზე ნაკლები ახალი შემთხვევა ზედიზედ მეორე დღეა დაფიქსირებულია. 16 მაისს, ერთ დღეში COVID-19-ის 9 200 ახალი შემთხვევა გამოვლინდა, ხოლო 17 მაისს ექიმებმა 9 709 ახალი შემთხვევა დააფიქსირეს. 15 მაისს კი 10 598 ახალი შემთხვევა დაფიქსირდა.
პანდემიის დაწყებიდან დღემდე ინფიცირების 281 752 შემთხვევა დაფიქსირდა.
