რუსეთის პრიმორსკის მხარეში MiG-31 ტიპის გამანადგურებელი ჩამოვარდა, იტყობინება საინფორმაციო სააგენტოები საგანგებო სიტუაციების სამსახურზე დაყრდნობით.
რუსეთის თავდაცვის სამინისტრომ დაადასტურა ინფორმაცია. გავრცელებული ინფორმაციით, პილოტებმა კატაპულტირება მოახდინეს.
„ფრენა საბრძოლო მასალის გარეშე განხორციელდა. თვითმფრინავი დაუსახლებელ ადგილას ჩამოვარდა; მიწას ზიანი არ მიუღია. წინასწარი ინფორმაციით, ავარიის მიზეზი შესაძლოა ტექნიკური გაუმართაობა ყოფილიყო“, - ნათქვამია განცხადებაში.
ავარიის გამომწვევ მიზეზად, სავარაუდოდ, ტექნიკური დაზიანება სახელდება. დაღუპულების ან დაშავებულების შესახებ ინფორმაცია არ ვრცელდება.
ოქტომბრის შუა რიცხვებში, მედიის ცნობით, რუსული სამხედრო ავიაციის არასაბრძოლო დანაკარგებმა მინიმუმ ათი თვითმფრინავი შეადგინა.
