რუსეთის ჯანდაცვის მინისტრმა, მიხაილ მურაშკომ, გერმანელ კოლეგასთან, იენს შპანთან სატელეფონო საუბრისას ევროპაში კორონავირუსის ვაქცინების ერთობლივი წარმოების ორგანიზების საკითხი განიხილა, იტყობინება რუსეთის ჯანდაცვის სამინისტროს პრესსამსახური.
„მიხაილ მურაშკომ დეტალურად ისაუბრა რუსული ვაქცინების ეფექტურობაზე და გამოაცხადა სპეციალური ონლაინ პლატფორმის არსებობის შესახებ, რომელიც შეიცავს ვაქცინირებული პირების შესახებ ყველა ინფორმაციას. თავის მხრივ, იენს შპანმა გამოთქვა მზადყოფნა, ითანამშრომლოს რუსეთის ჯანდაცვის სამინისტროსთან გერმანული კომპანიების ჩართვის მიზნით რუსული ვაქცინების ერთობლივ წარმოებაში“, - ნათქვამია სამინისტროს განცხადებაში.
ჯანდაცვის სამინისტროს ცნობით, რუსი და გერმანელი ექსპერტები რუსული ვაქცინების ერთობლივი წარმოების შესაძლებლობების მოსაძებნად მოლაპარაკებებს გამართავენ.
რუსეთში პირველი კორონავირუსის საწინააღმდეგო ვაქცინა, „სპუტნიკ V“, 11 აგვისტოს დარეგისტრირდა. ის „გამალეიას ცენტრში“ შემუშავდა. მისი ეფექტურობა დაავადების მძიმე შემთხვევების წინააღმდეგ 95%-ს შეადგენდა, 100%-ით კი - დაავადების მძიმე შემთხვევების წინააღმდეგ. რუსეთში ასევე დარეგისტრირდა მეორე ვაქცინა, „EpiVacCorona“, რომელიც „ვექტორების კვლევის ცენტრის“ მიერ არის შემუშავებული. ამჟამად ის რეგისტრაციის შემდგომ კლინიკურ კვლევებს გადის 18-60 წლის ასაკის მოხალისეებსა და 60 წელს გადაცილებულ მონაწილეთა ჯგუფში.
