ამ ფაქტთან დაკავშირებით სისხლის სამართლის საქმე აღიძრა.
რუსეთმა აკრძალული კასეტური ბომბები გამოიყენა დნეპროპეტროვსკის ოლქის კრივოი როგის რაიონში მდებარე სოფლის დაბომბვის დროს.
ამის შესახებ გენერალური პროკურატურა იტყობინება.
„გამოძიების თანახმად, 27 მარტს, რუსეთის შეიარაღებულმა ძალებმა, საერთაშორისო ჰუმანიტარული სამართლის დარღვევით, დნეპროპეტროვსკის ოლქის კრივოი როჰის რაიონის სოფელში აკრძალული სარაკეტო არტილერიის შეტევა განახორციელეს Tornado-S ტიპის მრავლობითი სარაკეტო სისტემის გამოყენებით. რაკეტა შეიარაღებული იყო აკრძალული კასეტური საბრძოლო მასალით“, - ნათქვამია განცხადებაში.
ცნობილია, რომ ამ ფაქტზე სისხლის სამართლის საქმე აღიძრა.
„ადგილის დათვალიერებისას სამართალდამცველებმა და ბომბების განმუხტვის სამსახურის თანამშრომლებმა აღმოაჩინეს და ამოიღეს რაკეტის ფრაგმენტები. დაშავებულებისა და დაზიანებული ინფრასტრუქტურის შესახებ სრული ინფორმაცია ზუსტდება. ტერიტორიაზე სამხედრო ობიექტები არ არის“, - დასძინა გენერალურმა პროკურატურამ.
მანამდე გავრცელდა ინფორმაცია, რომ გაერომ მიიღო დადასტურება რუსეთის მიერ უკრაინაში კასეტური ბომბების გამოყენების შესახებ.
