იქ ისინი 24-საათიან საბრძოლო მორიგეობას განახორციელებენ.
ხუთშაბათს, 18 აგვისტოს, რუსეთმა კალინინგრადის ოლქში, ჩკალოვსკის აეროდრომზე სამი MiG-31 ტიპის ზებგერითი თვითმფრინავი განათავსა, რომლებიც კინჟალის რაკეტებით იყვნენ შეიარაღებულნი.
ამის შესახებ ინფორმაციას „რია ნოვოსტი“ რუსეთის თავდაცვის სამინისტროს ინფორმაციაზე დაყრდნობით ავრცელებს.
სავარაუდოდ, ეს ნაბიჯი „დამატებითი სტრატეგიული შეკავების ზომების ფარგლებში“ გადაიდგა.
რუსეთის თავდაცვის სამინისტრო აცხადებს, რომ კინჟალის რაკეტები უხილავი და დაუცველია ნებისმიერი მტრის საჰაერო თავდაცვის ან სარაკეტო თავდაცვის სისტემისთვის.
აღნიშნულია, რომ MiG-31-ები მითითებულ ტერიტორიაზე საბრძოლო მორიგეობას 24 საათის განმავლობაში განახორციელებენ.
შეგახსენებთ, რომ პოლონეთმა კალინინგრადის ოლქთან საზღვარზე სათვალთვალო სისტემის აშენება გადაწყვიტა.
რუსეთი ადრე ლიეტუვას კალინინგრადის გამო ომით დაემუქრა. რუსმა სენატორმა ვლადიმერ ჯაბაროვმა განაცხადა, რომ ლიეტუვის გავლით კალინინგრადში სანქცირებული საქონლის ტრანზიტის აკრძალვამ შესაძლოა ვილნიუსსა და რუსეთს შორის შეიარაღებული კონფლიქტი გამოიწვიოს.
