რუსეთის ტურისტული ინდუსტრიის კავშირის ხელმძღვანელმა ილია უმანსკიმ საზღვარგარეთ ტურების შემსყიდველ ტურისტებზე გადასახადის დაწესების წინადადება წამოაყენა.
ის მიიჩნევს, რომ ასეთი გადასახადი შეიძლება მსგავსი იყოს გამავალი ტურიზმის ექსპორტის გადასახადისა. „ინტერფაქსი“, იუწყება , რომ ეს თანხები სახელმწიფო ბიუჯეტგარეშე ფონდში გადაირიცხება და საფასურს ტურისტები საზღვარგარეთ ტურების შეძენისას გადაიხდიან.
უმანსკის თქმით, ასეთი ზომები სახელმწიფოს საშუალებას მისცემს, ტურისტებისთვის გარანტიები გაუწიოს, ხოლო მოსაკრებლიდან მიღებული შემოსავალი შიდა ტურიზმის ინფრასტრუქტურის განვითარებას მოხმარდეს. ეს წინადადება ტუროპერატორების ფინანსური გარანტიების პრობლემებზე რეაგირებას წარმოადგენს, რომლებსაც სადაზღვევო კომპანიები გამავალი ტურების დაზღვევაზე უარს ამბობენ.
უმანსკიმ ასევე აღნიშნა, რომ პირადი პასუხისმგებლობის ფონდში გადარიცხული თანხები ტუროპერატორებისთვის შემოსავალს არ ქმნის, რაც მათ მართვაში სირთულეებს ქმნის. მსხვილი კომპანიები მილიარდ რუბლამდე თანხებს ყინავენ, რაც სექტორის ფინანსურ მდგრადობას ართულებს. ამასობაში, ცოტა ხნის წინ მიღებული ტურისტული გადასახადის კანონი სასტუმროს ნომერზე ფიქსირებულ გადასახადს ითვალისწინებს, თუმცა ადგილობრივ ხელისუფლებას შეუძლია გადაწყვიტოს, თუ როგორ განხორციელდება ეს მათ რეგიონებში.
