რუსეთის სახელმწიფო დუმაში სკანდალი მძვინვარებს მას შემდეგ, რაც ინტერნეტში გამოჩნდა ინტიმური ხასიათის ვიდეო, რომელიც, სავარაუდოდ, ერთ-ერთ პალატაში ფარული კამერით არის გადაღებული, იუწყება SHOT
ჩანაწერში ასახულია კაცი, რომელიც რუსეთის ფედერაციის კომუნისტური პარტიის (CPRF) დეპუტატ დენის პარფენოვს ჰგავდა. ინციდენტის შემდეგ, CPRF-ის, LDPR-ის და „ედინაია რუსეთის“ დეპუტატებმა დაიწყეს თავიანთი ოფისების მასობრივი შემოწმება ფარული კამერებისა და მოსასმენი მოწყობილობების აღმოსაჩენად, რისთვისაც სპეციალიზებულ ფირმებსა და საკუთარ დაცვის სამსახურებს მიმართეს.
ცნობით , ფარული მოსმენის მოწყობილობების აღმოჩენის მომსახურების ფასი 10 000 რუბლიდან მერყეობს, ხოლო ფაქტობრივი ღირებულება შეიძლება 20 000-30 000 რუბლს მიაღწიოს, რაც დამოკიდებულია შენობის ზომასა და სპეციალისტის კვალიფიკაციაზე. ეს კომპანიები აცხადებენ, რომ მათ თანამშრომლებს აქვთ სამართალდამცავ ორგანოებში მუშაობის გამოცდილება და გავლილი აქვთ იურიდიული ან სამხედრო მომზადება.
რუსეთის ფედერაციის კომუნისტურმა პარტიამ განაცხადა, რომ გამოქვეყნებული ვიდეოს ავთენტურობის გადამოწმება დაიწყო და აღიარა, რომ მის შექმნაში ხელოვნური ინტელექტის ტექნოლოგიები იყო გამოყენებული.
