რუსეთის თავდაცვის სამინისტრომ გამოაცხადა COVID-19 ვაქცინის მზადყოფნის შესახებ, რომელსაც რუსი სამხედრო ვირუსოლოგები გამალეას ეპიდემიოლოგიისა და მიკრობიოლოგიის ეროვნულ კვლევით ცენტრთან თანამშრომლობით ამუშავებენ.
„ჩვენმა სპეციალისტებმა და მეცნიერებმა ეროვნული კვლევითი ცენტრიდან უკვე დაასრულეს კვლევის შედეგების საბოლოო შეფასება. გაწერის შემდეგ, ყველა მოხალისე, გამონაკლისის გარეშე, თავს ნორმალურად გრძნობდა და კორონავირუსის მიმართ იმუნიტეტი ჰქონდათ შეძენილი. ამიტომ, ახალი კორონავირუსის ინფექციის წინააღმდეგ პირველი შიდა ვაქცინა მზადაა“, - განაცხადა რუსეთის ფედერაციის თავდაცვის მინისტრის პირველმა მოადგილემ რუსლან ცალიკოვმა გაზეთ „ არგუმენტი ი ფაქტისთვის“ .
მან აღნიშნა, რომ მოხალისეთა პირველმა ჯგუფმა დაასრულა საავადმყოფოში ყოფნა და შემდგომი ტესტების ჩაბარების შემდეგ 15 ივლისს გაეწერა; მოხალისეთა მეორე ჯგუფმა კლინიკური კვლევების მეორე ფაზაში მონაწილეობა 20 ივლისს დაასრულა.
როგორც ცალიკოვმა განაცხადა, რუსი სამხედრო ვირუსოლოგები აქტიურად მუშაობენ საშიში დაავადებების საწინააღმდეგო ვაქცინების შემუშავებაზე და ამან განაპირობა სამხედრო მოხალისეების მონაწილეობა კორონავირუსის სამკურნალო საშუალების შემუშავებასა და ტესტირებაში.
